“Alah salasai rumah Uwo mah. Rumah kami masih bantuak dulu juo lai. Alun ado bakarajoan lai. Sampai kini indak jaleh dima pitih bantuan gampo tu.”
Baitu kalimat dari Etek Maya nan sadang balanjo di lapau Uwo Pulin pagi kapatang. Kato-kato bantuak itu ditangkok se lansuang dek komunitas lapau Uwo. Apolai dalam babarapo hari ko koran ‘Singgalang’ juo mambaritakan masalah pitih bantuan gampo tahap katigo nan alun turun-turun.
“Jadi, alun juo manarimo Etek lai?” Tanyo Udin Kuriak.
“Alun lai. Sagalo syaraik lah dipanuahi. Alah dibuek kalompok-kalompok, alah ditinjau pulo dek pamarentah. Rumah tu juo lah dipoto-poto bagai. Arok bana awak bisa manarimo bantuan bantuak nan lain. Apolai dalam kondisi kini, awak juo paralu bakureh untuak mancarian biaya sikola anak. Iko tahun kini anak awak nan nomor duo ka masuak es-em-a pulo. Iyo lah samo bababan barek, basingguluang barek pulo awak kini mah. Pamarentah bantuak maanaktirikan awak. Mantang-mantang awak indak balaki, balanteh angan bana pamarentah tu ka awak,” agak lapeh sumbek Etek Maya manyampaikan isi hatinyo ka Udin. Walau ka Udin inyo maadok, tapi lah salapaunyo urang mandanganyo.
“Mudah-mudahan capek datangnyo bantuan tu yo Tek!” Solang Uncu Labai.
“Iyo, mokasih yo!” Hanyo itu nan bisa dikatoan Etek Maya sambia bajalan manjinjiang plastik asoi.
Kini, di lapau Uwo, lansuang se masalah nan disampaikan Etek Maya tadi manjadi topik ota. Malah, ota samakin manjadi, lantaran di koran ‘Singgalang’ juo ado barita nan bajudul ‘Mana Dana Gempa Tahap III?’.
“Paham bana den jo parasaian Etek Maya tadinyo. Di tampek lain urang-urang nan samo korban gampo lah manarimo bantuan, tapi nan inyo masih mananti juo,” kato Udin.
“Harusnyo samo manjadi korban tantu samo-samo pulo manarimo bantuan ndak Din!” Potong Mak Pono.
“Iyo. Tu mah, lah sampai bademo gai warga ka kantua dewan supayo capek diagiah bantuan,” jawek Udin.
“Harusnyo sarentak kanai gampo, juo sarentak manarimo bantuan ndak Din!” Potong Kari Garejoh.
“Indak bana sarentak, minimal ijan sampai batahun pulo jaraknyo. Iko tahap satu jo tahap duo lah manarimo tahun lapeh, nan tahap tigo sampai kini alun juo lai. Jadi, wajar se warga maraso manjadi anak tiri dek pamarentah. Apolai warga lah samo tau kalau dana itu ado, tantu timbua curiga baraso pitih tu dipakai untuak kaparaluan lain atau dikorupsi bagai,” kato Udin baliak. (eSPe St.Soeleman)
Baitu kalimat dari Etek Maya nan sadang balanjo di lapau Uwo Pulin pagi kapatang. Kato-kato bantuak itu ditangkok se lansuang dek komunitas lapau Uwo. Apolai dalam babarapo hari ko koran ‘Singgalang’ juo mambaritakan masalah pitih bantuan gampo tahap katigo nan alun turun-turun.
“Jadi, alun juo manarimo Etek lai?” Tanyo Udin Kuriak.
“Alun lai. Sagalo syaraik lah dipanuahi. Alah dibuek kalompok-kalompok, alah ditinjau pulo dek pamarentah. Rumah tu juo lah dipoto-poto bagai. Arok bana awak bisa manarimo bantuan bantuak nan lain. Apolai dalam kondisi kini, awak juo paralu bakureh untuak mancarian biaya sikola anak. Iko tahun kini anak awak nan nomor duo ka masuak es-em-a pulo. Iyo lah samo bababan barek, basingguluang barek pulo awak kini mah. Pamarentah bantuak maanaktirikan awak. Mantang-mantang awak indak balaki, balanteh angan bana pamarentah tu ka awak,” agak lapeh sumbek Etek Maya manyampaikan isi hatinyo ka Udin. Walau ka Udin inyo maadok, tapi lah salapaunyo urang mandanganyo.
“Mudah-mudahan capek datangnyo bantuan tu yo Tek!” Solang Uncu Labai.
“Iyo, mokasih yo!” Hanyo itu nan bisa dikatoan Etek Maya sambia bajalan manjinjiang plastik asoi.
Kini, di lapau Uwo, lansuang se masalah nan disampaikan Etek Maya tadi manjadi topik ota. Malah, ota samakin manjadi, lantaran di koran ‘Singgalang’ juo ado barita nan bajudul ‘Mana Dana Gempa Tahap III?’.
“Paham bana den jo parasaian Etek Maya tadinyo. Di tampek lain urang-urang nan samo korban gampo lah manarimo bantuan, tapi nan inyo masih mananti juo,” kato Udin.
“Harusnyo samo manjadi korban tantu samo-samo pulo manarimo bantuan ndak Din!” Potong Mak Pono.
“Iyo. Tu mah, lah sampai bademo gai warga ka kantua dewan supayo capek diagiah bantuan,” jawek Udin.
“Harusnyo sarentak kanai gampo, juo sarentak manarimo bantuan ndak Din!” Potong Kari Garejoh.
“Indak bana sarentak, minimal ijan sampai batahun pulo jaraknyo. Iko tahap satu jo tahap duo lah manarimo tahun lapeh, nan tahap tigo sampai kini alun juo lai. Jadi, wajar se warga maraso manjadi anak tiri dek pamarentah. Apolai warga lah samo tau kalau dana itu ado, tantu timbua curiga baraso pitih tu dipakai untuak kaparaluan lain atau dikorupsi bagai,” kato Udin baliak. (eSPe St.Soeleman)
Postingan
Tidak ada komentar:
Posting Komentar