“Ikolah contohno. Karajo sumbarang jadi se. Alun dipakai, lah rarak,” kato Inyiak Kurai sambia malatak-an Koran ‘Singgalang’ di ateh meja.
“Apo tu Nyiak? Apo nan rarak? Sampik sarawa rayo tu?” Tanyo Angah Piyan.
“Indak tau Angah? Iko di kampuang urang rumah Angah bana kajadian mah,” jawek Inyiak.
“Indak! Apo tu Nyiak?” Tanyo Angah nio tau apo nan dimukasuik dek Inyiak.
“Ado proyek irigasi, baru sapakan salasai dibangun lah runtuah. Kiro-kiro apo pandapek Angah?” Kecek Inyiak mintak pandapek konco palangkinnyo.
“Tandonyo proyek tu asa jadi se. Atau bisa juo pamborongnyo mancari labo gadang, buliah bisa mambali portuner agak duo, rumah rancak agak ciek dan pariasan untuak urang rumahnyo agak saratuih ameh,” hanyo itu pandapek Angah.
“Ijan baburuak sangko dulu Ngah. Barangkali irigasi tu dipijak dek gajah atau tanahnyo nan lunak. Paralu ditaliti dulu, baa kok tajadi bantuak itu,” pandapek Angah dibantah dek Uncu Labai.
“Den raso, kalau proyeknyo lai dikarajoan pakai patimbangan dan sasuai jo aturan, den raso indak ka runtuah bantuak itu doh. Awak ko kan rato-rato kuli bangunan sadonyo. Sabalun dikarajoan kan dikaji sagalo kamungkinan dulu. Saandainyo tanah tampek bangunan tu lunak, dicarian solusinyo. Kok pakai cakar ayam bagai atau diagiah batu kali jo ukuran simin labiah
“Apo tu Nyiak? Apo nan rarak? Sampik sarawa rayo tu?” Tanyo Angah Piyan.
“Indak tau Angah? Iko di kampuang urang rumah Angah bana kajadian mah,” jawek Inyiak.
“Indak! Apo tu Nyiak?” Tanyo Angah nio tau apo nan dimukasuik dek Inyiak.
“Ado proyek irigasi, baru sapakan salasai dibangun lah runtuah. Kiro-kiro apo pandapek Angah?” Kecek Inyiak mintak pandapek konco palangkinnyo.
“Tandonyo proyek tu asa jadi se. Atau bisa juo pamborongnyo mancari labo gadang, buliah bisa mambali portuner agak duo, rumah rancak agak ciek dan pariasan untuak urang rumahnyo agak saratuih ameh,” hanyo itu pandapek Angah.
“Ijan baburuak sangko dulu Ngah. Barangkali irigasi tu dipijak dek gajah atau tanahnyo nan lunak. Paralu ditaliti dulu, baa kok tajadi bantuak itu,” pandapek Angah dibantah dek Uncu Labai.
“Den raso, kalau proyeknyo lai dikarajoan pakai patimbangan dan sasuai jo aturan, den raso indak ka runtuah bantuak itu doh. Awak ko kan rato-rato kuli bangunan sadonyo. Sabalun dikarajoan kan dikaji sagalo kamungkinan dulu. Saandainyo tanah tampek bangunan tu lunak, dicarian solusinyo. Kok pakai cakar ayam bagai atau diagiah batu kali jo ukuran simin labiah
banyak. Tapi, lah jaleh tanah lunak, diagiah pulo ukuran simin saketek, tantu iyo rarak se,” kato Angah.
“Den raso iyo asa lai sudah se proyek ko mah. Saindak-indaknyo pabandiangan pamakaian simin jo kasiak indak sasuai,” mangecek pulo Udin Kuriak.
“Paralu turun lo kajaksaan atau kapeka ndak Nyiak?” Tanyo Tan Baro.
“Supayo nak tarang bak siang, den raso proyek ko memang paralu ditaliti apo bana panyababno. Apo ado unsur sangajo atau unsur korupsi bagai di proyek ko. Saindak-indak e, bisa manjadi palajaran dek pamborong lain supayo indak mangarajoan proyek sumbarang jadi se,” baitu jawek Inyiak.
“Musibah mah Nyiak. Ciek lai, kan ado maso pamaliharaan dek pamborong, bia se lah nak dipelok-an dulu. Kalau masih juo ado nan rarak, den raso memang ado kasalahan teknis mah,” kecek Tacin Barain.
“Kasalahan teknis tu bisa indak tajadi kalau pamborong jo urang-urang nan bakarajo sajujuik, samo-samo patuah jo bestek dan karajo jo paretongan. Tapi kalau lah main daram se atau asa lai capek salasai, mako akan manjadi musibah di kamudian hari. Pitih abih, karajo ndak salasai, urang sakampuang nan manangguangkan,” pandapek Tacin ditanggapi dek Angah. (eSPe St.Soeleman)
“Den raso iyo asa lai sudah se proyek ko mah. Saindak-indaknyo pabandiangan pamakaian simin jo kasiak indak sasuai,” mangecek pulo Udin Kuriak.
“Paralu turun lo kajaksaan atau kapeka ndak Nyiak?” Tanyo Tan Baro.
“Supayo nak tarang bak siang, den raso proyek ko memang paralu ditaliti apo bana panyababno. Apo ado unsur sangajo atau unsur korupsi bagai di proyek ko. Saindak-indak e, bisa manjadi palajaran dek pamborong lain supayo indak mangarajoan proyek sumbarang jadi se,” baitu jawek Inyiak.
“Musibah mah Nyiak. Ciek lai, kan ado maso pamaliharaan dek pamborong, bia se lah nak dipelok-an dulu. Kalau masih juo ado nan rarak, den raso memang ado kasalahan teknis mah,” kecek Tacin Barain.
“Kasalahan teknis tu bisa indak tajadi kalau pamborong jo urang-urang nan bakarajo sajujuik, samo-samo patuah jo bestek dan karajo jo paretongan. Tapi kalau lah main daram se atau asa lai capek salasai, mako akan manjadi musibah di kamudian hari. Pitih abih, karajo ndak salasai, urang sakampuang nan manangguangkan,” pandapek Tacin ditanggapi dek Angah. (eSPe St.Soeleman)
sumber
Postingan
Tidak ada komentar:
Posting Komentar