Barita koran ‘Singgalang’ nan bajudul ‘Nazar Rampok Uang Dharmasraya’ manjadi ota angek di lapau Uwo Pulin manjalang babuko kapatang. Karano, indak ado nan manyangko, manusia nan sadang diburu ka-pe-ka tu juo baladang di pungguang urang awak.
Tadinyo komunitas lapau Uwo manyangko si Nazar tu hanyo talibat di proyek tampek tingga atlet nan ado di Palembang se, ruponyo juo ado di Sumbar. Barangkali, bisa juo ado di banyak daerah lain.
“Ruponyo ado pulo ‘ladang’ si Nazar di siko yo Tan. Kecek den kok nan di Palembang tu se,” kato Udin Kuriak ka Tan Baro nan duduak pas baadok-adok-an.
“Ambo juo baru tau sasudah mambaco barita tu tadi,” hanyo itu jawek Tan Baro.
“Yo hebat nyo mah. Bisa dek nyo baladang dima-dima,” kato Udin baliak.
“Baa lo ka indak dek Udin. Cuma manembak di ateh kudo se. Urang nan bajariah, inyo nan bauntuang gadang,” semba Angah Piyan nan juo lah mambaco barita tu sabalunnyo.
“Sabik alai namonyo mah Din! Kancang rambahnyo,” tadanga pulo sorak Tacin Barain.
“Hebat dek manjua namo urang gadang,” kato Mak Pono pulo.
“Mukasuik Mamak?” Tanyo Udin.
“Kan lah Udin baco sampai salasai barita tu ndak? Di situ kan dikatoan baraso inyo manjua-jua namo si Anas,” jawek Mak Pono.
“Nah, itu ciek lai bukti kahebatannyo. Namo urang hebat atau urang gadang bisa dijuanyo. Bisa deknyo mayakinkan urang lain jo caro manyabuik-nyabuik namo si Anas,” kato Udin.
“Nah, jo caro itu inyo bisa mandapek proyek. Yo bak kecek den tadi, cuma manembak ateh kudo,” kato Mak Pono baliak.
“Baa kok Mak katoan manembak ateh kudo?” Kudun lah sato pulo batanyo.
“Baa ka indak dek Kudun. Proyek miliaran rupiah tapi indak manuruik aturan sabananyo. Bacolah barita tu elok-elok dek Kudun. Biasonyo proyek gadang tu didapek jo caro sato tender, tapi dek inyo indak. Baitu juo untuak mancaiakan pitih kecek barita tu indak malalui termin-termin bagai doh. Awak ko kan acok pai karajo proyek, maambiak pitih tu kan indak bisa sakaligus doh dan harus ado tahapan-tahapannyo,” baitu panjalasan Mak Pono.
Kudun nampak maangguak tando sapandapek jo Mak Pono. Baitu juo nan lain.
“Kabanyo bakeh bupati di situ samo-samo mailang jo si Nazar, karano inyo bakonco dalam proyek tu. Apo iyo Tan?” Tanyo Tacin.
“Kok itu iyo ndak bisa dek ambo manjawek doh Cin. Nan jaleh sampai kini kaduonyo samo-samo ilang dan samo-samo diburu. Awak sarahkan se lah ka pihak panagak hukum nan pasti indak ka anok se dalam kasus ko. Apolai, si Nazar juo lah mananduak-nanduak kapalo jaksa di siko bagai. Urang nan ditanduak pasti indak ka maraso sanang dituduah-tuduah bantuak itu,” itulah jawek Tan Baro.
Karano wakatu babuko lah dakek, urang-urang tu pun bubar untuak pulang ka rumah surang-surang.
(eSPe St.Soeleman)
Tadinyo komunitas lapau Uwo manyangko si Nazar tu hanyo talibat di proyek tampek tingga atlet nan ado di Palembang se, ruponyo juo ado di Sumbar. Barangkali, bisa juo ado di banyak daerah lain.
“Ruponyo ado pulo ‘ladang’ si Nazar di siko yo Tan. Kecek den kok nan di Palembang tu se,” kato Udin Kuriak ka Tan Baro nan duduak pas baadok-adok-an.
“Ambo juo baru tau sasudah mambaco barita tu tadi,” hanyo itu jawek Tan Baro.
“Yo hebat nyo mah. Bisa dek nyo baladang dima-dima,” kato Udin baliak.
“Baa lo ka indak dek Udin. Cuma manembak di ateh kudo se. Urang nan bajariah, inyo nan bauntuang gadang,” semba Angah Piyan nan juo lah mambaco barita tu sabalunnyo.
“Sabik alai namonyo mah Din! Kancang rambahnyo,” tadanga pulo sorak Tacin Barain.
“Hebat dek manjua namo urang gadang,” kato Mak Pono pulo.
“Mukasuik Mamak?” Tanyo Udin.
“Kan lah Udin baco sampai salasai barita tu ndak? Di situ kan dikatoan baraso inyo manjua-jua namo si Anas,” jawek Mak Pono.
“Nah, itu ciek lai bukti kahebatannyo. Namo urang hebat atau urang gadang bisa dijuanyo. Bisa deknyo mayakinkan urang lain jo caro manyabuik-nyabuik namo si Anas,” kato Udin.
“Nah, jo caro itu inyo bisa mandapek proyek. Yo bak kecek den tadi, cuma manembak ateh kudo,” kato Mak Pono baliak.
“Baa kok Mak katoan manembak ateh kudo?” Kudun lah sato pulo batanyo.
“Baa ka indak dek Kudun. Proyek miliaran rupiah tapi indak manuruik aturan sabananyo. Bacolah barita tu elok-elok dek Kudun. Biasonyo proyek gadang tu didapek jo caro sato tender, tapi dek inyo indak. Baitu juo untuak mancaiakan pitih kecek barita tu indak malalui termin-termin bagai doh. Awak ko kan acok pai karajo proyek, maambiak pitih tu kan indak bisa sakaligus doh dan harus ado tahapan-tahapannyo,” baitu panjalasan Mak Pono.
Kudun nampak maangguak tando sapandapek jo Mak Pono. Baitu juo nan lain.
“Kabanyo bakeh bupati di situ samo-samo mailang jo si Nazar, karano inyo bakonco dalam proyek tu. Apo iyo Tan?” Tanyo Tacin.
“Kok itu iyo ndak bisa dek ambo manjawek doh Cin. Nan jaleh sampai kini kaduonyo samo-samo ilang dan samo-samo diburu. Awak sarahkan se lah ka pihak panagak hukum nan pasti indak ka anok se dalam kasus ko. Apolai, si Nazar juo lah mananduak-nanduak kapalo jaksa di siko bagai. Urang nan ditanduak pasti indak ka maraso sanang dituduah-tuduah bantuak itu,” itulah jawek Tan Baro.
Karano wakatu babuko lah dakek, urang-urang tu pun bubar untuak pulang ka rumah surang-surang.
(eSPe St.Soeleman)
Postingan
Tidak ada komentar:
Posting Komentar