Ado tigo kajadian gadang di Pasaman Barat dalam sapakan ko. Partamo banjir gadang, sudah tu karusuahan di ladang sawit dan nan ka tigo pasa nagari tabaka.
Tigo kajadian tu manjadi bahan ota di komunitas lapau Uwo Pulin pagi kapatang. Baa ka indak, katigo kajadian tu lah mambuek sansai masyarakaik.
Dek ulah banjir gadang, rumah-rumah panduduak taganang aia. Sawah jo ladang sarato tampek usao lainnyo juo tarandam. Indak ado nan bisa dikarajokan. Sudah tu datang pulo karusuahan. Induak-induak banyak nan manjadi korban. Ado nan patah dan ado pulo nan luko.
Alun salasai masalah duo tu, tibo pulo kabakaran. Pasa nagari tabaka.
“Iko namonyo indak putuih dirunduang malang. Alun kariang banjir, tibo karusuahan. Masih tadanga juo pakiak induak-induak dilalah sanjato, tibo pulo kabakaran. Malang bana nasib dunsanak awak di Pasaman Barat tu nampaknyo,” kato Mak Pono sambia mambaliak-baliak koran ‘Singgalang’.
“Itulah Mak, namonyo malang iyo sakijok mato, mujua bahari-hari,” Angah Piyan mambaleh apo nan dikatoan Mak Pono.
“Kalau iko indak cocok jo pepatah Angah tu doh,” salo Kari Garejoh.
“Indak cocok baa pulo?” Tanyo Angah.
“Iko lah sapakan labiah malang se. Dituka bunyi pepatah Angah tu namuahnyo. Misalnyo ‘mujua bahari-hari, malang bahari-hari pulo. He....he....,” kato Kari sambia galak badarai.
“Itulah kalau Allah nan babuek, indak ado surang juo nan bisa maambeknyo doh. Masih untuang juo mah, lai indak saluruh Pasaman Barat tu dilanyau banjir atau dimamah sigulambai. Baitu juo karusuahan, masih untuang indak sarupo parang basosoh. Jadi iko adolah paringatan untuak awak. Satiok nan diturunkan dek Allah pasti ado mukasuiknyo. Mari awak pataba iman di dado. Satiok musibah pasti ado hikmahnyo,” Malin Kacindin mancubo maagiah panjalasan sasuai ilimu agamo nan inyo punyo.
“Batua!” Tadanga suaro Udin Kuriak.
“Apo nan batua dek Udin?” Tanyo Mak Pono.
“Satiok musibah pasti ado hikmahnyo. Bisa se sasudah banjir kapatang tu, pamarentah mampelok-an saluran aia. Baitu juo sasudah kabakaran, pamarentah mambangun pasa nan labiah rancak. Umpamonyo pasa batingkek atau pasa bantuak di Jakarta tu ha,” jawek Udin.
“Tapi manjalang itu, nan masyarakaik ko kan lah kailangan mato pakurehan. Nan biaso ka sawah, indak bisa lai dek ulah sawah lah diondoh banjir. Baitu juo nan biaso manggaleh di pasa, indak ado lai tampek manggaleh. Ado bana tampek manggaleh darurat misalnyo, modal lah abih pulo, jo apo digarik-an usao?” Baleh Mak Pono.
“Allah indak sio-sio jo umatNyo doh Mak. Nyo ado-ado se jalan beko tu mah,” potong Malin.
“Yo, lah. Mudah-mudahan se dunsanak awak di Pasaman Barat tu diagiah katabahan dek Allah dan musibah indak ado lai di ranah Minang ko,” hanyo itu nan bisa dikatoan dek Mak Pono.
(eSPe St.Soeleman)
Tigo kajadian tu manjadi bahan ota di komunitas lapau Uwo Pulin pagi kapatang. Baa ka indak, katigo kajadian tu lah mambuek sansai masyarakaik.
Dek ulah banjir gadang, rumah-rumah panduduak taganang aia. Sawah jo ladang sarato tampek usao lainnyo juo tarandam. Indak ado nan bisa dikarajokan. Sudah tu datang pulo karusuahan. Induak-induak banyak nan manjadi korban. Ado nan patah dan ado pulo nan luko.
Alun salasai masalah duo tu, tibo pulo kabakaran. Pasa nagari tabaka.
“Iko namonyo indak putuih dirunduang malang. Alun kariang banjir, tibo karusuahan. Masih tadanga juo pakiak induak-induak dilalah sanjato, tibo pulo kabakaran. Malang bana nasib dunsanak awak di Pasaman Barat tu nampaknyo,” kato Mak Pono sambia mambaliak-baliak koran ‘Singgalang’.
“Itulah Mak, namonyo malang iyo sakijok mato, mujua bahari-hari,” Angah Piyan mambaleh apo nan dikatoan Mak Pono.
“Kalau iko indak cocok jo pepatah Angah tu doh,” salo Kari Garejoh.
“Indak cocok baa pulo?” Tanyo Angah.
“Iko lah sapakan labiah malang se. Dituka bunyi pepatah Angah tu namuahnyo. Misalnyo ‘mujua bahari-hari, malang bahari-hari pulo. He....he....,” kato Kari sambia galak badarai.
“Itulah kalau Allah nan babuek, indak ado surang juo nan bisa maambeknyo doh. Masih untuang juo mah, lai indak saluruh Pasaman Barat tu dilanyau banjir atau dimamah sigulambai. Baitu juo karusuahan, masih untuang indak sarupo parang basosoh. Jadi iko adolah paringatan untuak awak. Satiok nan diturunkan dek Allah pasti ado mukasuiknyo. Mari awak pataba iman di dado. Satiok musibah pasti ado hikmahnyo,” Malin Kacindin mancubo maagiah panjalasan sasuai ilimu agamo nan inyo punyo.
“Batua!” Tadanga suaro Udin Kuriak.
“Apo nan batua dek Udin?” Tanyo Mak Pono.
“Satiok musibah pasti ado hikmahnyo. Bisa se sasudah banjir kapatang tu, pamarentah mampelok-an saluran aia. Baitu juo sasudah kabakaran, pamarentah mambangun pasa nan labiah rancak. Umpamonyo pasa batingkek atau pasa bantuak di Jakarta tu ha,” jawek Udin.
“Tapi manjalang itu, nan masyarakaik ko kan lah kailangan mato pakurehan. Nan biaso ka sawah, indak bisa lai dek ulah sawah lah diondoh banjir. Baitu juo nan biaso manggaleh di pasa, indak ado lai tampek manggaleh. Ado bana tampek manggaleh darurat misalnyo, modal lah abih pulo, jo apo digarik-an usao?” Baleh Mak Pono.
“Allah indak sio-sio jo umatNyo doh Mak. Nyo ado-ado se jalan beko tu mah,” potong Malin.
“Yo, lah. Mudah-mudahan se dunsanak awak di Pasaman Barat tu diagiah katabahan dek Allah dan musibah indak ado lai di ranah Minang ko,” hanyo itu nan bisa dikatoan dek Mak Pono.
(eSPe St.Soeleman)
Postingan
Tidak ada komentar:
Posting Komentar