Samanjak si Ruyati dihukum pancuang di Arab, televisi jo surek kaba di nagari ko saolah-olah indak baranti mambaritakan masalah tu. Baitu juo surek kaba ‘Singgalang’ indak katinggalan membaritakan kasus hukum pancuang bantuak itu.
Kapatang, di koran urang awak ko ado barita nan bajudul ‘Wanita Minang Kecam Hukum Pancung’. Tantu sajo bisa dibayangkan isinyo pastilah indak satuju jo hukuman sarupo itu.
“Dikecam bana tiok hari, nan hukum pancuang di Arab tu indak ka bisa baranti doh. Urang di rumahnyo surang mambuek aturan bantuak itu kamanga awak?” Baitu kato Tan Baro mamulai ota pagi kapatang di lapau Uwo Pulin.
“Batua mah Tan, walau dari Sabang sampai Marauke tambah lo negara-negara lain mangecam hukum pancuang di Arab, nan negara tu indak ka baranti manerapkan hukumnyo doh. Kini di awak se tiangnyo, kalau memang indak satuju jo hukum bantuak itu, ijan pai ka Arab Saudi. Kalau harus pai bakureh ka sinan, ijan pernah babuek salah. Karano di situ dipakai hukum Islam. Saandainyo tabukti mambunuah, hukumannyo juo dibunuah. Kalau mancilok, dikarek tangan dan kalau bazina, tapaso dirajam namonyo,” apo nan dikatokan Tan Baro lansuang ditanggapi dek Angah Piyan.
“Kalau manjadi nelayan harus barani manantang badai, ndak Ngah?” Potong Udin Kuriak.
“Mukasuiknyo?” Tanyo Angah.“Indak tau den doh!” Jawek Udin nan disambuik jo galak konco-konconyo.
“Eyayay......, kalau indak tantu, manga mangecek? Itu namonyo asbun,” kato Angah baliak.
“Iyo, cuma itu nan takana di den. Kalau nelayan di tangah lawik kan iyo dibuai ombak jo galombang dek Angah. Sairiang jo itu, kalau indak nio dialun galombang, ijan manjadi nelayan. Jadilah patani. Bak kecek pepatah, kalau takuik dilamun ombak, jan barumah di tapi pantai,” baleh Udin.
“Marokoklah ciek lu Din. Indak bakatantuan jalan pikiran Udin nampaknyo lai ko doh!” Sorak Tacin Barain.
“Kini ado lo pandapek dari urang-urang hebat supayo mamutuihan hubuangan jo Arab Saudi. Kalau pandapek den, iko karajo nan ka indak-indak alias mustahak. Baa pandapek Tan Baro?” Manyalo pulo Mak Pono.
“Pikia-pikia banalah dulu. Pandapek ambo, diputuihan bana hubuangan jo Arab tu, nan ka rugi gadang awak. Dek Arab tu indak masalah doh. Cubo bayangkan dek Mamak, saandainyo diputuihan hubuangan jo Arab, bisa-bisa ilang rukun Islam ciek, yaitu naiak haji ka Makah. Nah, kini sia nan paralu? Arab atau awak? Ambo raso awak nan mamaralukan Arab. Jadi, ijanlah asa mangecek dan asa bademo se,” baitu pandapek Tan Baro.
“Dalam masalah tanago karajo, kok diputuihan hubuangan, awak juo nan rugi Tan. Kan awak nan nio mangirim tanago karajo ka situ salamo ko. Dek Arab, indak masalah bana doh. Putuihanlah, inyo bisa mancari tanago karajo ka negara-negara lain. Umpamonyo ka India, Thailand, Pilipina dan lainnyo,” Uncu Labai indak pulo katinggalan untuak manyampaikan pandapeknyo doh.
Baitulah suasana dan ota urang di lapau Uwo pagi kapatang. Apo se isu nan angek, lansuang se manjadi bahan diskusi. (eSPe St.Soeleman)
Kapatang, di koran urang awak ko ado barita nan bajudul ‘Wanita Minang Kecam Hukum Pancung’. Tantu sajo bisa dibayangkan isinyo pastilah indak satuju jo hukuman sarupo itu.
“Dikecam bana tiok hari, nan hukum pancuang di Arab tu indak ka bisa baranti doh. Urang di rumahnyo surang mambuek aturan bantuak itu kamanga awak?” Baitu kato Tan Baro mamulai ota pagi kapatang di lapau Uwo Pulin.
“Batua mah Tan, walau dari Sabang sampai Marauke tambah lo negara-negara lain mangecam hukum pancuang di Arab, nan negara tu indak ka baranti manerapkan hukumnyo doh. Kini di awak se tiangnyo, kalau memang indak satuju jo hukum bantuak itu, ijan pai ka Arab Saudi. Kalau harus pai bakureh ka sinan, ijan pernah babuek salah. Karano di situ dipakai hukum Islam. Saandainyo tabukti mambunuah, hukumannyo juo dibunuah. Kalau mancilok, dikarek tangan dan kalau bazina, tapaso dirajam namonyo,” apo nan dikatokan Tan Baro lansuang ditanggapi dek Angah Piyan.
“Kalau manjadi nelayan harus barani manantang badai, ndak Ngah?” Potong Udin Kuriak.
“Mukasuiknyo?” Tanyo Angah.“Indak tau den doh!” Jawek Udin nan disambuik jo galak konco-konconyo.
“Eyayay......, kalau indak tantu, manga mangecek? Itu namonyo asbun,” kato Angah baliak.
“Iyo, cuma itu nan takana di den. Kalau nelayan di tangah lawik kan iyo dibuai ombak jo galombang dek Angah. Sairiang jo itu, kalau indak nio dialun galombang, ijan manjadi nelayan. Jadilah patani. Bak kecek pepatah, kalau takuik dilamun ombak, jan barumah di tapi pantai,” baleh Udin.
“Marokoklah ciek lu Din. Indak bakatantuan jalan pikiran Udin nampaknyo lai ko doh!” Sorak Tacin Barain.
“Kini ado lo pandapek dari urang-urang hebat supayo mamutuihan hubuangan jo Arab Saudi. Kalau pandapek den, iko karajo nan ka indak-indak alias mustahak. Baa pandapek Tan Baro?” Manyalo pulo Mak Pono.
“Pikia-pikia banalah dulu. Pandapek ambo, diputuihan bana hubuangan jo Arab tu, nan ka rugi gadang awak. Dek Arab tu indak masalah doh. Cubo bayangkan dek Mamak, saandainyo diputuihan hubuangan jo Arab, bisa-bisa ilang rukun Islam ciek, yaitu naiak haji ka Makah. Nah, kini sia nan paralu? Arab atau awak? Ambo raso awak nan mamaralukan Arab. Jadi, ijanlah asa mangecek dan asa bademo se,” baitu pandapek Tan Baro.
“Dalam masalah tanago karajo, kok diputuihan hubuangan, awak juo nan rugi Tan. Kan awak nan nio mangirim tanago karajo ka situ salamo ko. Dek Arab, indak masalah bana doh. Putuihanlah, inyo bisa mancari tanago karajo ka negara-negara lain. Umpamonyo ka India, Thailand, Pilipina dan lainnyo,” Uncu Labai indak pulo katinggalan untuak manyampaikan pandapeknyo doh.
Baitulah suasana dan ota urang di lapau Uwo pagi kapatang. Apo se isu nan angek, lansuang se manjadi bahan diskusi. (eSPe St.Soeleman)
Postingan
Tidak ada komentar:
Posting Komentar