“Astaghfirullah! Jahiliah.... sabana jahiliah.... Sia ko lah apak jo mandenyo. Kamanakan sia ko!”
Pagi-pagi Uncu Labai lah baturo-turo. Tantu sajo mambuek heran konco-konconyo nan samo duduak minum pagi di palanta lapau Uwo Pulin.
Pastilah ado nan indak beres atau indak lamak di hati Uncu. Karano jarang bana Uncu baturo-turo sampai istighfar bagai. Apolai kini manyabuik-nyabuik jahiliah.
“Kamalah muko ka disuruak-an. Adaik basandi syarak, syarak basandi Kitabullah,” masih tadanga Uncu manggarutok surang.
Tan Baro nan duduak indak jauah dari Uncu maraso indak lamak juo mancaliak kawannyo saolah-olah sadang bamasalah. Mako, dibaranikanlah diri dek Tan Baro batanyo.
“Ado apo Ncu?”
“Bacolah dek Tan Baro. Lah jadi kakuih kapalo awak dek paja-paja ko. Labiah parah pulo dari maso jahiliah lai,” hanyo itu jawek Uncu sambia maonyohkan surek kaba ‘Singgalang’ ka muko Tan Baro.
Indak manunggu lamo, Tan Baro maambiak koran tu. Baru se mancaliaknyo, Tan Baro juo lansuang pulo istighfar: “Astaghfirullahal’azim”.
“Ado apo Tan?” Giliran Angah Piyan nan batanyo.
“Labiah parah dari Thailand Ngah. Di Thailand kato urang ado tari talanjang, masih balampok nan pentiang-pentiangnyo. Tapi iko sabana polos. Indak babanang salai juo di badan. Jaleh sakalian pakakehnyo dipatontonkan ka urang rami,” hanyo itu jawek Tan Baro.“Astaghfirullahal’azim. Dima tu?” Tanyo Angah baliak.
“Di siko Ngah, di siko! Di Minangkabau. Di Padang Kota Tercinta ko ha. Ku jaga dan ku bela lo lai. Iko iyo lah sabana bela mah. Lah labiah dari tari-tarian maso jahiliah,” kecek Tan Baro baliak.
“Kabau, jawi, kambiang, kuciang, kapindiang, buah baju!” Hanyo itu nan kalua dari muncuang Angah.
“Yolah jahiliah bana!” Potong Uncu.
“Anak sia Ncu? Tanyo Udin Kuriak.
“Nan pasti anak kamanakan awak. Karano dari barita ko den baco tadi kaduonyo padusi Minang,” jawek Uncu.
“Padusi Minang tu limpapeh rumah nan gadang mah Ncu!” Baleh Udin.
“Iko indak limpapeh doh Din, tapi kapindiang, mancik atau ula rumah gadang. Paralu ditubo mah,” kecek Tan Baro pulo.
“Malu den...., sabana malu. Iyolah dikajambani kapalo awak dek anak-kamanakan mah. Masih bangga juo awak jo nagari ko? Masih bangga juo awak pakai semboyan abe-es-es-be-ka tu? Di lua nagari indak bantuak iko bana doh,” Mak Pono lah sato pulo mangecek sasudah koran di tangan Tan Baro bapindah ka inyo.
“Nan bantuak iko, di rimbo rayo tingganyo rancak mah,” Tacin Barain indak pulo katinggalan mangaluakan pandapeknyo.
“Kok di rimbo wee, sia ka nonton. Dima wee dapek pitih. Wee manari bajoget-joget bantuak itu kan mancari pitih,” potong Ajo Tondeh.
“Buah baju! Lah sabana ilang Minangnyo. Tingga kabau se lai,” kato Mak Pono indak mairaukan pandapek Ajo.
Itulah suasana di lapau Uwo pagi kapatang. Ota angek dan agak emosional tu tajadi bamulo dari barita koran ‘Singgalang’ nan bajudul ‘Tari Telanjang Bulek Ada di Padang’. (eSPe St.Soeleman)
Pagi-pagi Uncu Labai lah baturo-turo. Tantu sajo mambuek heran konco-konconyo nan samo duduak minum pagi di palanta lapau Uwo Pulin.
Pastilah ado nan indak beres atau indak lamak di hati Uncu. Karano jarang bana Uncu baturo-turo sampai istighfar bagai. Apolai kini manyabuik-nyabuik jahiliah.
“Kamalah muko ka disuruak-an. Adaik basandi syarak, syarak basandi Kitabullah,” masih tadanga Uncu manggarutok surang.
Tan Baro nan duduak indak jauah dari Uncu maraso indak lamak juo mancaliak kawannyo saolah-olah sadang bamasalah. Mako, dibaranikanlah diri dek Tan Baro batanyo.
“Ado apo Ncu?”
“Bacolah dek Tan Baro. Lah jadi kakuih kapalo awak dek paja-paja ko. Labiah parah pulo dari maso jahiliah lai,” hanyo itu jawek Uncu sambia maonyohkan surek kaba ‘Singgalang’ ka muko Tan Baro.
Indak manunggu lamo, Tan Baro maambiak koran tu. Baru se mancaliaknyo, Tan Baro juo lansuang pulo istighfar: “Astaghfirullahal’azim”.
“Ado apo Tan?” Giliran Angah Piyan nan batanyo.
“Labiah parah dari Thailand Ngah. Di Thailand kato urang ado tari talanjang, masih balampok nan pentiang-pentiangnyo. Tapi iko sabana polos. Indak babanang salai juo di badan. Jaleh sakalian pakakehnyo dipatontonkan ka urang rami,” hanyo itu jawek Tan Baro.“Astaghfirullahal’azim. Dima tu?” Tanyo Angah baliak.
“Di siko Ngah, di siko! Di Minangkabau. Di Padang Kota Tercinta ko ha. Ku jaga dan ku bela lo lai. Iko iyo lah sabana bela mah. Lah labiah dari tari-tarian maso jahiliah,” kecek Tan Baro baliak.
“Kabau, jawi, kambiang, kuciang, kapindiang, buah baju!” Hanyo itu nan kalua dari muncuang Angah.
“Yolah jahiliah bana!” Potong Uncu.
“Anak sia Ncu? Tanyo Udin Kuriak.
“Nan pasti anak kamanakan awak. Karano dari barita ko den baco tadi kaduonyo padusi Minang,” jawek Uncu.
“Padusi Minang tu limpapeh rumah nan gadang mah Ncu!” Baleh Udin.
“Iko indak limpapeh doh Din, tapi kapindiang, mancik atau ula rumah gadang. Paralu ditubo mah,” kecek Tan Baro pulo.
“Malu den...., sabana malu. Iyolah dikajambani kapalo awak dek anak-kamanakan mah. Masih bangga juo awak jo nagari ko? Masih bangga juo awak pakai semboyan abe-es-es-be-ka tu? Di lua nagari indak bantuak iko bana doh,” Mak Pono lah sato pulo mangecek sasudah koran di tangan Tan Baro bapindah ka inyo.
“Nan bantuak iko, di rimbo rayo tingganyo rancak mah,” Tacin Barain indak pulo katinggalan mangaluakan pandapeknyo.
“Kok di rimbo wee, sia ka nonton. Dima wee dapek pitih. Wee manari bajoget-joget bantuak itu kan mancari pitih,” potong Ajo Tondeh.
“Buah baju! Lah sabana ilang Minangnyo. Tingga kabau se lai,” kato Mak Pono indak mairaukan pandapek Ajo.
Itulah suasana di lapau Uwo pagi kapatang. Ota angek dan agak emosional tu tajadi bamulo dari barita koran ‘Singgalang’ nan bajudul ‘Tari Telanjang Bulek Ada di Padang’. (eSPe St.Soeleman)
Postingan
Tidak ada komentar:
Posting Komentar