“Baa ko Tan? Kota Padang nio marabuik baliak Piala Adipura nan lah lamo lapeh.”
Kato-kato bantuak itu malompek dari muncuang Udin Kuriak nan duduak indak jauah dari Tan Baro. Kawan-kawan lain samo mancaliak ka Udin dan tantu sajo samo-samo nio pulo mangaluakan pandapeknyo surang-surang.
“Marabuiknyo tantu jo usao, Din. Indak ka mungkin piala tu dapek kalau hanyo bapangku tangan se,” baitu tanggapan Tan Baro.
“Kalau bantuak iko kondisi kota, indak ka dapek gai piala tu doh. Yakin bana dennyo,” kato Kari Garejoh.
“Lai bisa awak dapek piala tu, kalau tim panilainyo tu buto. Atau tim panilai dibao se ka kantua walikota, rumah walikota atau ka hotel-hotel,” kecek Angah Piyan.
“Urang buto baa pulo maagiah nilai? Inyo indak mancaliak doh mah,” salo Uncu Labai.
“Kan itu nan den katoan. Karano inyo indak mancaliak kondisi kota ko nan sabananyo, diagiah se nilai rancak-rancak. Baitu juo nan manilai ka kantua atau ka rumah walikota sarato ka hotel-hotel, kan batamu nan barasiah-barasiah se tu, pasti pontennyo tinggi,” baleh Angah.
“Adipura ko apo Ngah?” Tanyo Tacin Barain.
“Si Adi nan bapura-pura!” Potong Kari Garejoh.
“Nah, kalau memang bapura-pura, den raso bisa kota awak ko dapek pialanyo. Kan tingga bapura-pura se lai, abih pakaro,” kato Tacin baliak.
“Batua juo kecek Tacin mah. Piala Adipura kecek urang adolah panghargaan untuak kota barasiah. Jadi, icak-icak barasiah se kasadonyo yo? Walau kanyataan kota ko basilemak-peak, tapi wak anggap se barasiah,” kecek Udin.
“Sarius yo, kalau ambo mancaliak indak ka dapek gai kota awak ko piala tu doh. Kabarasiahan di siko indak tajago. Sarok baserak dima-ma. Bahkan cirik kudo bateak-teak di jalan utamo. Tapi kalau bak kecek Angah tadi, panilaiannyo cuma di rumah pajabaik atau ka hotel-hotel, itu namonyo iyo bapura-pura mah,” baitu komentar Tan Baro baliak.
“Di maso kini itu bisa se mah Tan. Demi harago diri atau gengsi kapalo daerahnyo, apo se bisa dilakukan. Kan tukang nilainyo tu indak tau Padang ko kasadonyo doh. Tapi, saandainyo awak nan manilai, yo lah pasti se ka tampek-tampek nan tasuruak bagai,” potong Kari.
“Jadi baa?” Tanyo Mak Pono nan dari tadi anok se.
“Kalau memang nio piala Adipura tu dapek sacaro murni, mako saluruh warga kota ko samo-samo bausao manjago kabarasiahan. Ijan mambuang sampah sumbarang se. Ijan hanyo dibabankan se ka patugas kabarasiahan, tapi saluruh awak musti talibat manjagonyo. Indak ado caro lain doh,” hanyo itu nan bisa disampaikan Tan Baro. Kawan-kawan lain lah maangguak mandanganyo. (eSPe St.Soeleman)
Kato-kato bantuak itu malompek dari muncuang Udin Kuriak nan duduak indak jauah dari Tan Baro. Kawan-kawan lain samo mancaliak ka Udin dan tantu sajo samo-samo nio pulo mangaluakan pandapeknyo surang-surang.
“Marabuiknyo tantu jo usao, Din. Indak ka mungkin piala tu dapek kalau hanyo bapangku tangan se,” baitu tanggapan Tan Baro.
“Kalau bantuak iko kondisi kota, indak ka dapek gai piala tu doh. Yakin bana dennyo,” kato Kari Garejoh.
“Lai bisa awak dapek piala tu, kalau tim panilainyo tu buto. Atau tim panilai dibao se ka kantua walikota, rumah walikota atau ka hotel-hotel,” kecek Angah Piyan.
“Urang buto baa pulo maagiah nilai? Inyo indak mancaliak doh mah,” salo Uncu Labai.
“Kan itu nan den katoan. Karano inyo indak mancaliak kondisi kota ko nan sabananyo, diagiah se nilai rancak-rancak. Baitu juo nan manilai ka kantua atau ka rumah walikota sarato ka hotel-hotel, kan batamu nan barasiah-barasiah se tu, pasti pontennyo tinggi,” baleh Angah.
“Adipura ko apo Ngah?” Tanyo Tacin Barain.
“Si Adi nan bapura-pura!” Potong Kari Garejoh.
“Nah, kalau memang bapura-pura, den raso bisa kota awak ko dapek pialanyo. Kan tingga bapura-pura se lai, abih pakaro,” kato Tacin baliak.
“Batua juo kecek Tacin mah. Piala Adipura kecek urang adolah panghargaan untuak kota barasiah. Jadi, icak-icak barasiah se kasadonyo yo? Walau kanyataan kota ko basilemak-peak, tapi wak anggap se barasiah,” kecek Udin.
“Sarius yo, kalau ambo mancaliak indak ka dapek gai kota awak ko piala tu doh. Kabarasiahan di siko indak tajago. Sarok baserak dima-ma. Bahkan cirik kudo bateak-teak di jalan utamo. Tapi kalau bak kecek Angah tadi, panilaiannyo cuma di rumah pajabaik atau ka hotel-hotel, itu namonyo iyo bapura-pura mah,” baitu komentar Tan Baro baliak.
“Di maso kini itu bisa se mah Tan. Demi harago diri atau gengsi kapalo daerahnyo, apo se bisa dilakukan. Kan tukang nilainyo tu indak tau Padang ko kasadonyo doh. Tapi, saandainyo awak nan manilai, yo lah pasti se ka tampek-tampek nan tasuruak bagai,” potong Kari.
“Jadi baa?” Tanyo Mak Pono nan dari tadi anok se.
“Kalau memang nio piala Adipura tu dapek sacaro murni, mako saluruh warga kota ko samo-samo bausao manjago kabarasiahan. Ijan mambuang sampah sumbarang se. Ijan hanyo dibabankan se ka patugas kabarasiahan, tapi saluruh awak musti talibat manjagonyo. Indak ado caro lain doh,” hanyo itu nan bisa disampaikan Tan Baro. Kawan-kawan lain lah maangguak mandanganyo. (eSPe St.Soeleman)
Postingan
Tidak ada komentar:
Posting Komentar