“Kalau iko iyo katalaluan namonyo mah!” Baitu kato Uncu Labai ka kawan-kawannyo nan samo duduak minum kopi pagi di palanta lapau Uwo Pulin.
Tantu sajo apo nan dikatokan Uncu manjadi tando tanyo dek konco-konconyo. Karano indak surang juo nan tau apo mukasuiknyo mangecek sarupo itu.
“Apo nan katalaluan Ncu?” Tanyo Mak Pono.
“Ditanah suci masih ado urang marampok atau urang-urang jaek. Nan malakukannyo justru urang-urang negara awak juo. Ikolah nan den mukasuik katalaluan. Mustinyo kan manolong, iko malah manggolong dan marampok,” Uncu manjalehan apo nan baru dibaconyo dari koran ‘Singgalang’. Di koran nan tabik hari Sabtu ado barita bajudul: ‘Perampokan Terhadap JCH Keterlaluan’.
“Ondeh mande.... Mustinyo urang-urang Indonesia di Makah atau Madinah tu kan mambantu jamaah-jamaah haji nan datang. Kok ado jamaah nan tasasek atau mamaralukan bantuan, mustinyo kan dibantu,” hanyo itu komentar Mak Pono.
“Teorinyo memang bantuak itu, Mak. Tapi kanyataannyo, urang-urang tu mancari kasampatan di nan sampik. Den raso, kalau ado nan manolong jo iklas, banyak paidah nan didapeknyo. Nan jaleh-jaleh se inyo mandapek pahalo. Sudah tu, barangkali rasakinyo bisa pulo murah,” baleh Uncu.
“Di Arab tu kalau tatangkok marampok atau mancilok, dikarek tangannyo mah Ncu,” manyalo Udin Kuriak.
“Tapi kan lai ndak ado urang dari kampuang awak doh ndak Ncu?” Tanyo Kari Garejoh.
“Kalau lah di lua nagari tu, satiok urang Indonesia adolah urang kampuang awak. Di situ awak indak paduli inyo urang Jawa, urang Makassar, urang Banduang, Flores, Papua, Piaman, Solok, Kiktenggi, Painan, Payokumbuah atau lainnyo. Asa urang Indonesia adolah urang kampuang awak. Kan iyo bantuak itu ndak Tan?” baleh Uncu mintak dukuangan ka Tan Baro.
“Batua mah. Di lua nagari, awak indak paduli inyo urang ma. Asa Indonesia, itu urang kampuang awak. Kalau ado urang Indonesia nan babuek jaek, mancacak, marampok, mancilok atau tipu tepok, itu memang katalaluan. Maso iyo urang pai baibadah dikarajoan juo,” baitu tanggapan Tan Baro.
“Di siko juo ado. Urang pai sumbayang ka musajik, tibo-tibo sipatu atau tarompa rancaknyo ilang,” salo Tacin Barain.
“Kalau di kampuang awak ko den raso indak katalaluan bana. Karano di siko banyak campuran agamo. Di tanah suci atau di tanah haram tu hanyo urang Islam nan buliah masuak. Nan paliang babayo tu dihubuangkan jo hukuman pancuang atau potong tangan. Di siko kok tatangkok mancilok, paliang hukumannyo satahun labiah di dalam panjaro,” kato Mak Pono.
“Kecek urang nan alah pernah pai ka Makah, di muko Ka’bah juo ado urang jaek dan itu juo urang Indonesia. Sasarannyo adolah urang-urang nan nio mancium Hajar Aswad. Partamo inyo icak-icak elok amuah manolong, tapi sasudah itu dipasonyo maagiah pitih jutaan rupiah. Sasarannyo induak-induak atau urang-urang nan lah gaek. Karano itu, jamaah haji atau jamaah umrah sarancaknyo bahati-hati. Partamo ijan mambao pitih dalam jumlah banyak. Nan kaduo ijan murah picayo jo muluik manih urang-urang nan indak dikenal. Namonyo urang jaek, indak ka peduli itu di tanah suci doh. Pokoknyo sabana mampagunokan kasampatan di nan sampik,” Malin Kacindin lah sato pulo mangaluakan pandapek.
Baitulah ota di lapau Uwo dari pagi sampai manjalang siang kapatang. Maklum kapatang tu hari libur.
(eSPe St.Soeleman)
Tantu sajo apo nan dikatokan Uncu manjadi tando tanyo dek konco-konconyo. Karano indak surang juo nan tau apo mukasuiknyo mangecek sarupo itu.
“Apo nan katalaluan Ncu?” Tanyo Mak Pono.
“Ditanah suci masih ado urang marampok atau urang-urang jaek. Nan malakukannyo justru urang-urang negara awak juo. Ikolah nan den mukasuik katalaluan. Mustinyo kan manolong, iko malah manggolong dan marampok,” Uncu manjalehan apo nan baru dibaconyo dari koran ‘Singgalang’. Di koran nan tabik hari Sabtu ado barita bajudul: ‘Perampokan Terhadap JCH Keterlaluan’.
“Ondeh mande.... Mustinyo urang-urang Indonesia di Makah atau Madinah tu kan mambantu jamaah-jamaah haji nan datang. Kok ado jamaah nan tasasek atau mamaralukan bantuan, mustinyo kan dibantu,” hanyo itu komentar Mak Pono.
“Teorinyo memang bantuak itu, Mak. Tapi kanyataannyo, urang-urang tu mancari kasampatan di nan sampik. Den raso, kalau ado nan manolong jo iklas, banyak paidah nan didapeknyo. Nan jaleh-jaleh se inyo mandapek pahalo. Sudah tu, barangkali rasakinyo bisa pulo murah,” baleh Uncu.
“Di Arab tu kalau tatangkok marampok atau mancilok, dikarek tangannyo mah Ncu,” manyalo Udin Kuriak.
“Tapi kan lai ndak ado urang dari kampuang awak doh ndak Ncu?” Tanyo Kari Garejoh.
“Kalau lah di lua nagari tu, satiok urang Indonesia adolah urang kampuang awak. Di situ awak indak paduli inyo urang Jawa, urang Makassar, urang Banduang, Flores, Papua, Piaman, Solok, Kiktenggi, Painan, Payokumbuah atau lainnyo. Asa urang Indonesia adolah urang kampuang awak. Kan iyo bantuak itu ndak Tan?” baleh Uncu mintak dukuangan ka Tan Baro.
“Batua mah. Di lua nagari, awak indak paduli inyo urang ma. Asa Indonesia, itu urang kampuang awak. Kalau ado urang Indonesia nan babuek jaek, mancacak, marampok, mancilok atau tipu tepok, itu memang katalaluan. Maso iyo urang pai baibadah dikarajoan juo,” baitu tanggapan Tan Baro.
“Di siko juo ado. Urang pai sumbayang ka musajik, tibo-tibo sipatu atau tarompa rancaknyo ilang,” salo Tacin Barain.
“Kalau di kampuang awak ko den raso indak katalaluan bana. Karano di siko banyak campuran agamo. Di tanah suci atau di tanah haram tu hanyo urang Islam nan buliah masuak. Nan paliang babayo tu dihubuangkan jo hukuman pancuang atau potong tangan. Di siko kok tatangkok mancilok, paliang hukumannyo satahun labiah di dalam panjaro,” kato Mak Pono.
“Kecek urang nan alah pernah pai ka Makah, di muko Ka’bah juo ado urang jaek dan itu juo urang Indonesia. Sasarannyo adolah urang-urang nan nio mancium Hajar Aswad. Partamo inyo icak-icak elok amuah manolong, tapi sasudah itu dipasonyo maagiah pitih jutaan rupiah. Sasarannyo induak-induak atau urang-urang nan lah gaek. Karano itu, jamaah haji atau jamaah umrah sarancaknyo bahati-hati. Partamo ijan mambao pitih dalam jumlah banyak. Nan kaduo ijan murah picayo jo muluik manih urang-urang nan indak dikenal. Namonyo urang jaek, indak ka peduli itu di tanah suci doh. Pokoknyo sabana mampagunokan kasampatan di nan sampik,” Malin Kacindin lah sato pulo mangaluakan pandapek.
Baitulah ota di lapau Uwo dari pagi sampai manjalang siang kapatang. Maklum kapatang tu hari libur.
(eSPe St.Soeleman)
Postingan
Tidak ada komentar:
Posting Komentar