Kecek barita di koran ‘Singgalang’, lampu merah di Kota Padang banyak nan lah uzur atau lah tuo-tuo bana. Untuak manggantinyo indak ado pitih.
Dalam barita-barita sabalunnyo, harago ciek lampu merah tu tigo ratuih juta. Saandainyo sapuluah sajo dibali tantu tigo miliar pitihnyo.
Salamo ko, ijankan pitih tigo miliar atau tigo ratuih juta, untuak parawatan se cuma limo puluah juta sataun. Padohal jumlah lampu untuak maatur lalu lintas tu saluruhnyo 33 buah. Itu aratinyo hanyo sajuta labiah saketek ciek lampu merah. Barangkali untuak pambali bolanyo se indak cukuik tu doh. Ikolah nan dijadikan ota dek komunitas lapau Uwo Pulin pagi kapatang.
“Kalau indak ado pitih untuak mambalinyo, yo tapaso bantuak iko se lah lalu lintas. Tandiang bagak se di simpang-simpang,” baitu kato Kari Garejoh.
“Pakai lampu aladin, Ri. Sakali gosok kalua pitih sabanyak nan diparalukan. Kok paralu pitih tigo miliar tingga manggosok dan manyabuik se lai, lansuang ado. Sudah tu balian ka lampu merah,” kato Mak Pono.
“Kalau lai ado lampu ajaib bantuak itu, rancak dilatak an se di saluruh simpang dalam kota ko. Tukang aturnyo duduak manih se di kantua pakai layar monitor. Jo caro manggosok lah iduik se lampu merah, hijau atau kuniang. Itu carito nan ka indak-indak se namonyo mah. Nagari ko indak ka bisa rancak kalau indak ado anggaran doh. Indak bisa sim salabim mambangun doh. Jan baarok pulo jo lampu-lampu aladin tu lai,” kecek Angah Piyan mananggapi apo nan dikatokan konco-konconyo tadi.
“Tapi anggaran tu bana nan indak ado,” baleh Mak Pono.
“Di siko paralu kasapakatan. Nagari ko indak salasai dek surang urang doh. Saluruh unsur musti dilibatkan. Jan mantang-mantang awak santiang, awak hebat, urang lain dicayahan se. Nah, dalam pamarentahan kan ado unsur eksekutif, legislatif, tokoh masyarakaik dan lainnyo musti sakabek arek. Bak kecek pepatah urang-urang tuo juo, lidih sahalai indak ka bisa mambarasiahan laman rumah doh. Tapi cubolah lidih-lidih nan ado dikabek arek dan manjadilah sapu lidih, sabanta lah barasiah laman rumah dek nyo mah. Kan iyo bantuak itu ndak Tan?” Kato Angah baliak sambia mampaiyokan ka konco palangkinnyo.
“Batua! Karajo barek indak bisa dipikua surang doh. Sabarek-barek karajo kalau basamo-samo mangarajoannyo capek salasai. Wak ambiak se contoh samuik. Sabungkah lontong atau nasi akan bisa dipindahannyo basamo-samo,” hanyo itu tanggapan Tan Baro.
“Jadi baa nan rancak lai Ngah?” Tanyo Kari.
“Nan rancak, samoan suaro!” Tibo-tibo Udin Kuriak manyalo.
“Manyanyi Din?” Solang Ajo Tondeh.
“Buliah juo. Tapi mukasuik den tu samokan niaik, samokan langkah dan mari samo-samo saayun. Ijan ado juo bapikia untuak kapentiangan surang-surang jo golongan. Mudah-mudahan nagari ko labiah rancak,” baitu pandapek Udin. (eSPe St.Soeleman)
Dalam barita-barita sabalunnyo, harago ciek lampu merah tu tigo ratuih juta. Saandainyo sapuluah sajo dibali tantu tigo miliar pitihnyo.
Salamo ko, ijankan pitih tigo miliar atau tigo ratuih juta, untuak parawatan se cuma limo puluah juta sataun. Padohal jumlah lampu untuak maatur lalu lintas tu saluruhnyo 33 buah. Itu aratinyo hanyo sajuta labiah saketek ciek lampu merah. Barangkali untuak pambali bolanyo se indak cukuik tu doh. Ikolah nan dijadikan ota dek komunitas lapau Uwo Pulin pagi kapatang.
“Kalau indak ado pitih untuak mambalinyo, yo tapaso bantuak iko se lah lalu lintas. Tandiang bagak se di simpang-simpang,” baitu kato Kari Garejoh.
“Pakai lampu aladin, Ri. Sakali gosok kalua pitih sabanyak nan diparalukan. Kok paralu pitih tigo miliar tingga manggosok dan manyabuik se lai, lansuang ado. Sudah tu balian ka lampu merah,” kato Mak Pono.
“Kalau lai ado lampu ajaib bantuak itu, rancak dilatak an se di saluruh simpang dalam kota ko. Tukang aturnyo duduak manih se di kantua pakai layar monitor. Jo caro manggosok lah iduik se lampu merah, hijau atau kuniang. Itu carito nan ka indak-indak se namonyo mah. Nagari ko indak ka bisa rancak kalau indak ado anggaran doh. Indak bisa sim salabim mambangun doh. Jan baarok pulo jo lampu-lampu aladin tu lai,” kecek Angah Piyan mananggapi apo nan dikatokan konco-konconyo tadi.
“Tapi anggaran tu bana nan indak ado,” baleh Mak Pono.
“Di siko paralu kasapakatan. Nagari ko indak salasai dek surang urang doh. Saluruh unsur musti dilibatkan. Jan mantang-mantang awak santiang, awak hebat, urang lain dicayahan se. Nah, dalam pamarentahan kan ado unsur eksekutif, legislatif, tokoh masyarakaik dan lainnyo musti sakabek arek. Bak kecek pepatah urang-urang tuo juo, lidih sahalai indak ka bisa mambarasiahan laman rumah doh. Tapi cubolah lidih-lidih nan ado dikabek arek dan manjadilah sapu lidih, sabanta lah barasiah laman rumah dek nyo mah. Kan iyo bantuak itu ndak Tan?” Kato Angah baliak sambia mampaiyokan ka konco palangkinnyo.
“Batua! Karajo barek indak bisa dipikua surang doh. Sabarek-barek karajo kalau basamo-samo mangarajoannyo capek salasai. Wak ambiak se contoh samuik. Sabungkah lontong atau nasi akan bisa dipindahannyo basamo-samo,” hanyo itu tanggapan Tan Baro.
“Jadi baa nan rancak lai Ngah?” Tanyo Kari.
“Nan rancak, samoan suaro!” Tibo-tibo Udin Kuriak manyalo.
“Manyanyi Din?” Solang Ajo Tondeh.
“Buliah juo. Tapi mukasuik den tu samokan niaik, samokan langkah dan mari samo-samo saayun. Ijan ado juo bapikia untuak kapentiangan surang-surang jo golongan. Mudah-mudahan nagari ko labiah rancak,” baitu pandapek Udin. (eSPe St.Soeleman)
Postingan
Tidak ada komentar:
Posting Komentar