Lah salasai sumbayang rayo dan lah sudah pulo mambantai jawi jo kambiang kurban, Tan Baro sarato konco-konconyo sangajo pai duduak maota sambia minum kopi ka lapau Uwo Pulin. Indak bara beda jo hari-hari sabalunnyo, ota apo nan sadang angek.
“Uncu Labai kama nyo, ndak nampak dari tadi?” Baitu tanyo Udin Kuriak.
“Tapi inyo pulang kampuang sajak musibah banjir hari tu!” Jawek Uwo Pulin.
“Oh iyo lupo den. Tanyato iyo gadang musibah di kampuang Uncu tu yo?” Baleh Udin.
“Kan lah samo-samo wak baco di koran ‘Singgalang’ mah. Bahkan tipi-tipi Jakarta saluruhnyo mambaritakan,” kecek Mak Pono.
“Ado nan babeda nampak di den. Antaro musibah duo tahun nan lapeh jo musibah di kampuang Uncu ko jauah babeda,” kato Tacin Barain.
“Jo musibah nan ma? Tanyo Udin.
“Kalau ndak salah tahun duo ribu sambilan pernah tajadi galodo di Luak nan Tuo, yaitu di Sungai Tarab,” jawek Tacin.
“Antaro banjir jo galodo tantu iyo indak samo Cin,” baleh Mak Pono.
“Kalau bantuaknyo tantu lah pasti ado samonyo. Nan den mukasuik indak banyak urang nan capek kaki ringan tangan kini doh. Dulu, wakatu galodo tu banyak urang nan capek kaki ringan tangan untuak mambantu. Bahkan, banyak nan mambuek posko di situ dan ado pulo nan manyalangan alat-alat berat bagai,” kato Tacin.
“Kini kan lai banyak juo mah!” Potong Uwo.
“Tapi kan indak sabanyak dulu. Takana juo di den lai, partai-partai politik mambuek posko di situ. Pangurusnyo turun bantuak malaikaik maagiah bantuan. Sabana elok-elok hati. Tapi kini den caliak, den baco dan kapatang den talepon Uncu, indak ado nan sarupo itu doh,” Tacin mancubo mampajaleh mukasuiknyo. Mako mangaratilah urang-urang di dalam lapau tu.
“Cin. Musibah di Sungai Tarab tu dulu pas wakatunyo manjalang Pamilu. Jadi, musibah tu dijadian pulo dek partai-partai nan ado untuak manarik simpati urang banyak. Cubolah saandainyo agak ampek bulan lai ado Pamilu atau Pilkada di kampuang Uncu tu, yakin ambo banyak posko partai di situ mah,” Tan Baro indak katinggalan pulo mangaluakan pandapeknyo.
“Oh, jadi urang-urang tu mambantu karano arok baleh mah yo,” kato Tacin.
“Kecek urang kampuang den ado udang di baliak batu mah Cin! Inyo mambantu, karano ado kapentiangan dan mancaliak ado pulo kauntuangan, sorak Mak Pono.
“Itulah modenyo. Kalau lai ka mauntuangkan ka diri surang atau kalompok, balomba-lomba urang-urang tu mambantu,” kato Udin.
“Baa juo lah Din. Kecek kamanakan den, indak ado makan siang nan gratis doh,” manyorong pulo Angah Piyan.
Baitulah ota di lapau Uwo Pulin siang kapatang.
(eSPe St.Soeleman)Singgalang)
“Uncu Labai kama nyo, ndak nampak dari tadi?” Baitu tanyo Udin Kuriak.
“Tapi inyo pulang kampuang sajak musibah banjir hari tu!” Jawek Uwo Pulin.
“Oh iyo lupo den. Tanyato iyo gadang musibah di kampuang Uncu tu yo?” Baleh Udin.
“Kan lah samo-samo wak baco di koran ‘Singgalang’ mah. Bahkan tipi-tipi Jakarta saluruhnyo mambaritakan,” kecek Mak Pono.
“Ado nan babeda nampak di den. Antaro musibah duo tahun nan lapeh jo musibah di kampuang Uncu ko jauah babeda,” kato Tacin Barain.
“Jo musibah nan ma? Tanyo Udin.
“Kalau ndak salah tahun duo ribu sambilan pernah tajadi galodo di Luak nan Tuo, yaitu di Sungai Tarab,” jawek Tacin.
“Antaro banjir jo galodo tantu iyo indak samo Cin,” baleh Mak Pono.
“Kalau bantuaknyo tantu lah pasti ado samonyo. Nan den mukasuik indak banyak urang nan capek kaki ringan tangan kini doh. Dulu, wakatu galodo tu banyak urang nan capek kaki ringan tangan untuak mambantu. Bahkan, banyak nan mambuek posko di situ dan ado pulo nan manyalangan alat-alat berat bagai,” kato Tacin.
“Kini kan lai banyak juo mah!” Potong Uwo.
“Tapi kan indak sabanyak dulu. Takana juo di den lai, partai-partai politik mambuek posko di situ. Pangurusnyo turun bantuak malaikaik maagiah bantuan. Sabana elok-elok hati. Tapi kini den caliak, den baco dan kapatang den talepon Uncu, indak ado nan sarupo itu doh,” Tacin mancubo mampajaleh mukasuiknyo. Mako mangaratilah urang-urang di dalam lapau tu.
“Cin. Musibah di Sungai Tarab tu dulu pas wakatunyo manjalang Pamilu. Jadi, musibah tu dijadian pulo dek partai-partai nan ado untuak manarik simpati urang banyak. Cubolah saandainyo agak ampek bulan lai ado Pamilu atau Pilkada di kampuang Uncu tu, yakin ambo banyak posko partai di situ mah,” Tan Baro indak katinggalan pulo mangaluakan pandapeknyo.
“Oh, jadi urang-urang tu mambantu karano arok baleh mah yo,” kato Tacin.
“Kecek urang kampuang den ado udang di baliak batu mah Cin! Inyo mambantu, karano ado kapentiangan dan mancaliak ado pulo kauntuangan, sorak Mak Pono.
“Itulah modenyo. Kalau lai ka mauntuangkan ka diri surang atau kalompok, balomba-lomba urang-urang tu mambantu,” kato Udin.
“Baa juo lah Din. Kecek kamanakan den, indak ado makan siang nan gratis doh,” manyorong pulo Angah Piyan.
Baitulah ota di lapau Uwo Pulin siang kapatang.
(eSPe St.Soeleman)Singgalang)
Postingan
Tidak ada komentar:
Posting Komentar