[ESPE ST. SOELEMAN]
Pantang kalangkahan. Itulah bagian dari sipaik manusia di dunia ko.
Di dalam bahasa umum, sipaiak pantang kalangkahan tu buliah disamoan jo egois. Siapo sajo manusia di muko bumi ko pasti punyo sipaik ego, tapi indak elok egois. Samakin tinggi jabatan jo kadudukan urang, samakin tinggi pulo sipaik egonyo dan samakin indak amuah kalangkahan.
Untuak manetralkan sipaik nan pantang kalangkahan tu, manusia diagiah aka sehaik, diagiah pulo hati nurani. Katiko sipaik pantang kalangkahan indak tatahan, itulah gunonyo utak atau aka sehaik dan hati nurani untuak manahannyo. Tapi, indak saluruh awak bisa mamakai aka sehaik jo nurani katiko sipaik itu datang. Malah, di antaro awak amuah mati-matian mampatahankan sipaik tu dan amuah sampai bakaruak arang bagai. Karano manahan sipaik tu, bisa-bisa dikatokan kalah dek nan lain. Atau bisa juo dicemeehkan urang sabagai manusia lamah.
Untuak mampatahankan sipaik pantang kalangkahan, urang amuah baabih-abih. Bahkan, kadang indak sadar lah mambayia maha. Karano katonyo sipaik tu samo jo harago diri.
Bisa awak caliak jo mato kapalo surang-surang di sakuliliang awak. Bahkan televisi ampia tiok wakatu mam-pacaliak-an sipaik pantang kalangkahan tu.
Indak taetong lai, bara banyaknyo pajabaik atau urang-urang hebat nan mengecek bantuak inyo se nan batua. Kalau pandapeknyo disanggah, inyo emosi.
Harago diri. Kadang itulah nan dijadikan alasan dek urang-urang tatantu, sahinggo kalua sipaik nan pantang kalangkahan tu.
Padohal, dalam iduik ko, indak salamonyo ego pribadi atau sipaik pantang kalangkahan harus dipatahankan mati-matian. Marilah awak bapikia untuak kapentiangan nan labiah gadang. Saandainyo awak kini mahasiswa dan nio bademo, bademolah sacaro santun. Ijan dibao emosi jo ego pribadi atau sipaik pantang kalangkahan. Kalau aparat keamanan batindak di saat ado di antaro awak nan kalua dari garisan jo aturan, sarancaknyo suruik salangkah. Ijan malawan kapado patugas nan managak-an aturan, rugi awak.
Baitu juo aparat keamanan, ijan bakarajo hanyo untuak mampatahankan ego. Mantang-mantang awak polisi bapangkaik dan basanjato, urang banyak ko ditembak sajo. Karano itu, mari awak kontrol ego surang-surang, supayo nagari ko labiah elok di maso-maso ka tibo. Kalau awak samo-samo batahan jo ego, mako nagari ko ka samakin indak baaturan. Karano indak jaleh lai siapo pamimpin dan siapo nan dipimpin. (*)
Pantang kalangkahan. Itulah bagian dari sipaik manusia di dunia ko.
Di dalam bahasa umum, sipaiak pantang kalangkahan tu buliah disamoan jo egois. Siapo sajo manusia di muko bumi ko pasti punyo sipaik ego, tapi indak elok egois. Samakin tinggi jabatan jo kadudukan urang, samakin tinggi pulo sipaik egonyo dan samakin indak amuah kalangkahan.
Untuak manetralkan sipaik nan pantang kalangkahan tu, manusia diagiah aka sehaik, diagiah pulo hati nurani. Katiko sipaik pantang kalangkahan indak tatahan, itulah gunonyo utak atau aka sehaik dan hati nurani untuak manahannyo. Tapi, indak saluruh awak bisa mamakai aka sehaik jo nurani katiko sipaik itu datang. Malah, di antaro awak amuah mati-matian mampatahankan sipaik tu dan amuah sampai bakaruak arang bagai. Karano manahan sipaik tu, bisa-bisa dikatokan kalah dek nan lain. Atau bisa juo dicemeehkan urang sabagai manusia lamah.
Untuak mampatahankan sipaik pantang kalangkahan, urang amuah baabih-abih. Bahkan, kadang indak sadar lah mambayia maha. Karano katonyo sipaik tu samo jo harago diri.
Bisa awak caliak jo mato kapalo surang-surang di sakuliliang awak. Bahkan televisi ampia tiok wakatu mam-pacaliak-an sipaik pantang kalangkahan tu.
Indak taetong lai, bara banyaknyo pajabaik atau urang-urang hebat nan mengecek bantuak inyo se nan batua. Kalau pandapeknyo disanggah, inyo emosi.
Harago diri. Kadang itulah nan dijadikan alasan dek urang-urang tatantu, sahinggo kalua sipaik nan pantang kalangkahan tu.
Padohal, dalam iduik ko, indak salamonyo ego pribadi atau sipaik pantang kalangkahan harus dipatahankan mati-matian. Marilah awak bapikia untuak kapentiangan nan labiah gadang. Saandainyo awak kini mahasiswa dan nio bademo, bademolah sacaro santun. Ijan dibao emosi jo ego pribadi atau sipaik pantang kalangkahan. Kalau aparat keamanan batindak di saat ado di antaro awak nan kalua dari garisan jo aturan, sarancaknyo suruik salangkah. Ijan malawan kapado patugas nan managak-an aturan, rugi awak.
Baitu juo aparat keamanan, ijan bakarajo hanyo untuak mampatahankan ego. Mantang-mantang awak polisi bapangkaik dan basanjato, urang banyak ko ditembak sajo. Karano itu, mari awak kontrol ego surang-surang, supayo nagari ko labiah elok di maso-maso ka tibo. Kalau awak samo-samo batahan jo ego, mako nagari ko ka samakin indak baaturan. Karano indak jaleh lai siapo pamimpin dan siapo nan dipimpin. (*)
Postingan
Tidak ada komentar:
Posting Komentar