‘Jika Masih Di Bawah Rp5 Miliar, Dewan Tetap Tolak Sumbangan PTSP’. Itulah ciek judul barita nan manjadi bahan ota dek komunitas lapau Uwo Pulin sabalun barangkek karajo pagi kapatang.
Angah Piyan nan partamo sakali mambaco barita tu mancubo maanalisa. Dalam pangananyo, pihak pabirik simin lah punyo itikad elok. Buktinyo sumbangan tu ditambah dan manjadi duo kali lipek dari sumbangan taun kapatang. Cuma sajo, pihak wakia rakyaik indak amuah batulak-ansua. Keceknyo kalau indak limo miliar, sumbangan tu ditulak.
Dalam pikiran Angah, iko indak sakadar ancaman doh. Malah, dewan mangatoan indak ka manyatujui maagiahan lahan cadangan ka pabirik simin tu.
“Iko baa caritonyo Tan?” Tanyo Angah Piyan ka Tan Baro mampacaliak-an barita nan dibaconyo tu.
“Apo tu?” Tan Baro baliak batanyo.
“Urang pabirik simin lah manambah sumbangan saratuih parosen, tapi pihak dewan indak juo amuah manarimo. Katonyo kalau indak limo miliar, indak ka ditarimo doh,” jawek Angah manjalehan.
“Limo miliar tu samo jo ampek kali lipek dari sumbangan salamo ko mah Ngah. Den raso tinggi bana lonjaknyo mah. Saandainyo wak den nan manjadi wakia rakyaik, den tarimo se dulu naiak duo kali lipek kini, tapi agiah wakatu taun muko naiak lo ciek lai, sahinggo duo taun lai bisa tacapai angko limo miliar tu. Aaratinyo awak musti ado tulak ansua. Saumpamo maago barang di pasa atau di toko, urang mambali manaiak-an tawaran, urang manjua manurunkan, sahinggo batamu di ciek titiak. Kan iyo bantuak itu ndak Tan?” Uncu Labai mancubo mangaluakan pandapeknyo sambia mampaiyokan ka konco palangkinnyo.
“Idealnyo memang bantuak itu Ncu. Ado pepatah di Minang ko, kok tagang bajelo-jelo, kandua badantiang-dantiang. Barundiang musti ado sikap tulak ansua. Ijan basitagang sajo jo pandapek surang. Kalau samo-samo basitagang, indak ka batamu rueh jo buku doh,” hanyo itu pandapek Tan Baro.
“Tapi sakali-sakali paralu juo tagang Tan!” Potong Kari Garejoh.
“Iyo, bak kecek ambo tadi, tagang nan bajelo-jelo. Bisa batulak-ansua. Kalau layua se taruih, disudu urang awak. Diusiak talingo awak dek urang awak anok se, ditokok kaniang awak, juo anok. Sikap bantuak itu indak lo buliah doh,” baleh Tan Baro.
“Kalau nan iko baa jalan kaluanyo?” Tanyo Angah baliak.
“Jalan kaluanyo harus duduak saamparan. Dalam barundiang musti ado tulak ansuanyo. Kalau urang pabirik lah amuah manaiak-an sumbangan, mako dewan jan basikareh taruih se. Bak kecek ambo tadi, jan tagang se harus dapek limo miliar sakali. Agiah wakatu ka pabirik umpamonyo taun ka duo sumbangan lah sabanyak nan dimintak. Kan awak harus pulo mambukak mato, salain sumbangan dalam bantuak pitih resmi, indak saketek pulo sumbangan ka rakyaik doh. Umpamonyo malalui usao rakyaik,” kato Tan Baro.
“Tamasuak sumbangan pribadi-pribadi ndak Tan!” Potong Kari pulo. (eSPe St.Soeleman)
Angah Piyan nan partamo sakali mambaco barita tu mancubo maanalisa. Dalam pangananyo, pihak pabirik simin lah punyo itikad elok. Buktinyo sumbangan tu ditambah dan manjadi duo kali lipek dari sumbangan taun kapatang. Cuma sajo, pihak wakia rakyaik indak amuah batulak-ansua. Keceknyo kalau indak limo miliar, sumbangan tu ditulak.
Dalam pikiran Angah, iko indak sakadar ancaman doh. Malah, dewan mangatoan indak ka manyatujui maagiahan lahan cadangan ka pabirik simin tu.
“Iko baa caritonyo Tan?” Tanyo Angah Piyan ka Tan Baro mampacaliak-an barita nan dibaconyo tu.
“Apo tu?” Tan Baro baliak batanyo.
“Urang pabirik simin lah manambah sumbangan saratuih parosen, tapi pihak dewan indak juo amuah manarimo. Katonyo kalau indak limo miliar, indak ka ditarimo doh,” jawek Angah manjalehan.
“Limo miliar tu samo jo ampek kali lipek dari sumbangan salamo ko mah Ngah. Den raso tinggi bana lonjaknyo mah. Saandainyo wak den nan manjadi wakia rakyaik, den tarimo se dulu naiak duo kali lipek kini, tapi agiah wakatu taun muko naiak lo ciek lai, sahinggo duo taun lai bisa tacapai angko limo miliar tu. Aaratinyo awak musti ado tulak ansua. Saumpamo maago barang di pasa atau di toko, urang mambali manaiak-an tawaran, urang manjua manurunkan, sahinggo batamu di ciek titiak. Kan iyo bantuak itu ndak Tan?” Uncu Labai mancubo mangaluakan pandapeknyo sambia mampaiyokan ka konco palangkinnyo.
“Idealnyo memang bantuak itu Ncu. Ado pepatah di Minang ko, kok tagang bajelo-jelo, kandua badantiang-dantiang. Barundiang musti ado sikap tulak ansua. Ijan basitagang sajo jo pandapek surang. Kalau samo-samo basitagang, indak ka batamu rueh jo buku doh,” hanyo itu pandapek Tan Baro.
“Tapi sakali-sakali paralu juo tagang Tan!” Potong Kari Garejoh.
“Iyo, bak kecek ambo tadi, tagang nan bajelo-jelo. Bisa batulak-ansua. Kalau layua se taruih, disudu urang awak. Diusiak talingo awak dek urang awak anok se, ditokok kaniang awak, juo anok. Sikap bantuak itu indak lo buliah doh,” baleh Tan Baro.
“Kalau nan iko baa jalan kaluanyo?” Tanyo Angah baliak.
“Jalan kaluanyo harus duduak saamparan. Dalam barundiang musti ado tulak ansuanyo. Kalau urang pabirik lah amuah manaiak-an sumbangan, mako dewan jan basikareh taruih se. Bak kecek ambo tadi, jan tagang se harus dapek limo miliar sakali. Agiah wakatu ka pabirik umpamonyo taun ka duo sumbangan lah sabanyak nan dimintak. Kan awak harus pulo mambukak mato, salain sumbangan dalam bantuak pitih resmi, indak saketek pulo sumbangan ka rakyaik doh. Umpamonyo malalui usao rakyaik,” kato Tan Baro.
“Tamasuak sumbangan pribadi-pribadi ndak Tan!” Potong Kari pulo. (eSPe St.Soeleman)
Postingan
Tidak ada komentar:
Posting Komentar