Kalahnyo tim Indonesia dari Malaysia dalam babak final bola kaki SEA Games manjadi ota angek di lapau Uwo Pulin. Apolai di situ ado manusia-manusia nan paliang suko jo bola kaki sarupo Kari Garejoh, Udin Kuriak, Tan Baro dan Tacin Barain.
Nan barampek tu sabana candu manonton bola. Malah inyo amuah batanggang sampai pagi kalau ado patandiangan bola di tipi. Indak paduli piala apo se namonyo, mulai dari piala Eropa, Piala Asia, Copa Amerika, Liga Spanyol, Liga Inggirih. Bahkan, kalau saumpamo Liga Arab juo batandiang bola ditontonnyo juo mah.
“Baa Ri, kan lai juara umum awak ndak?” Tanyo Kudun nan kabatulan baru masuak lapau.
“Juara umum lah pasti, cuma taraso sayua indak bagaram dek ulah kalah di bola,” jawek Kari.
“Kan kalah awak tu lai tahormat. Kalah dalam adu pinalti tu lah hebat namonyo mah. Malah, kalau buliah juara kamba berarti awak juara baduo jo Malaysia. Cuma masalahnyo kan indak buliah juara kamba, mako harus ado adu pinalti bagai,” Kudun mancubo maagiah pangaratian ka Kari dan kawan-kawan lain nan nampaknyo tarumuak bana dek kakalahan tu.
“Indak sakadar kalah se doh Dun. Kabanyo juo ado panonton nan maningga dek ulah basasak-sasak pai mancaliak patandiangan lansuang ka tanah lapang Bung Karno,” potong Tacin.
“Alun di awak dewi fortuna namonyo lai doh. Jan diratok-i bana. Mudah-mudahan isuak Indonesia bisa manjadi juara. Kalau paralu indak juara Asia Tenggara se doh, tapi bisa juara Asia. Karano den caliak pamain kasadonyo lai sadang amuah saleronyo,” kecek Angah Piyan pulo.“Tapi den caliak di tipi tadi malam, capek bana pamain awak kailangan stamina,” kato Uwo Pulin pulo.
“Wajar se tu nyo. Karano memang banyak faktor nan mambuek bantuak itu. Tapi nan jaleh, walau ado raso kecewa, den sacaro pribadi lai pueh. Karano bak kecek tadi, pamain-pamain awak tu iyo lai sabana pantang manyarah,” kato Udin pulo.
“Nan paralu harus ado evaluasi total untuak bisa labiah rancak. Umpamonyo, di daerah patahanan awak tu agak lungga, sahinggo murah se dek lawan babuek sakandak hati. Caliaklah gol ka gawang awak tu indak harus tajadi, kalau pamain balakang kuaik dan indak lengah. Itu cuma contoh. Intinyo bak kecek ambo tadi harus dievaluasi total kecek urang kini. Kalau memang fisik awak nan capek litak atau kurang kompak di barisan balakang, harus dipelok-i isuak. Mudah-mudahan awak bisa juara duo tahun lai di Myanmar,” hanyo itu komentar Tan Baro nan juo nammpak takulai.
“Satuju den jo pandapek Tan Baro. Bialah juara umum kini sarupo sayua indak bagaram, tapi awak lah manjadi negara gudang prestasi olahraga. Nah, ka muko paralu evaluasi. Jan hanyo awak gadang atau hebat di kampuang surang se. Biasuak katiko tampeknyo pindah ka negara lain, awak taluncua jauah ka bawah. Soal sayua indak bagaram tu ado juo paidahnyo mah. Saindaknyo untuak urang nan kanai tekanan darah tinggi. Di nagari awak ko kan banyak nan kanai panyakik tekanan darah tinggi. Sasudah makan sayua indak bagaram ko, mudah-mudahan maurus olahraga indak jo darah tinggi lai,” hanyo itu sambuang kato dari Angah. (eSPe St.Soeleman)
Nan barampek tu sabana candu manonton bola. Malah inyo amuah batanggang sampai pagi kalau ado patandiangan bola di tipi. Indak paduli piala apo se namonyo, mulai dari piala Eropa, Piala Asia, Copa Amerika, Liga Spanyol, Liga Inggirih. Bahkan, kalau saumpamo Liga Arab juo batandiang bola ditontonnyo juo mah.
“Baa Ri, kan lai juara umum awak ndak?” Tanyo Kudun nan kabatulan baru masuak lapau.
“Juara umum lah pasti, cuma taraso sayua indak bagaram dek ulah kalah di bola,” jawek Kari.
“Kan kalah awak tu lai tahormat. Kalah dalam adu pinalti tu lah hebat namonyo mah. Malah, kalau buliah juara kamba berarti awak juara baduo jo Malaysia. Cuma masalahnyo kan indak buliah juara kamba, mako harus ado adu pinalti bagai,” Kudun mancubo maagiah pangaratian ka Kari dan kawan-kawan lain nan nampaknyo tarumuak bana dek kakalahan tu.
“Indak sakadar kalah se doh Dun. Kabanyo juo ado panonton nan maningga dek ulah basasak-sasak pai mancaliak patandiangan lansuang ka tanah lapang Bung Karno,” potong Tacin.
“Alun di awak dewi fortuna namonyo lai doh. Jan diratok-i bana. Mudah-mudahan isuak Indonesia bisa manjadi juara. Kalau paralu indak juara Asia Tenggara se doh, tapi bisa juara Asia. Karano den caliak pamain kasadonyo lai sadang amuah saleronyo,” kecek Angah Piyan pulo.“Tapi den caliak di tipi tadi malam, capek bana pamain awak kailangan stamina,” kato Uwo Pulin pulo.
“Wajar se tu nyo. Karano memang banyak faktor nan mambuek bantuak itu. Tapi nan jaleh, walau ado raso kecewa, den sacaro pribadi lai pueh. Karano bak kecek tadi, pamain-pamain awak tu iyo lai sabana pantang manyarah,” kato Udin pulo.
“Nan paralu harus ado evaluasi total untuak bisa labiah rancak. Umpamonyo, di daerah patahanan awak tu agak lungga, sahinggo murah se dek lawan babuek sakandak hati. Caliaklah gol ka gawang awak tu indak harus tajadi, kalau pamain balakang kuaik dan indak lengah. Itu cuma contoh. Intinyo bak kecek ambo tadi harus dievaluasi total kecek urang kini. Kalau memang fisik awak nan capek litak atau kurang kompak di barisan balakang, harus dipelok-i isuak. Mudah-mudahan awak bisa juara duo tahun lai di Myanmar,” hanyo itu komentar Tan Baro nan juo nammpak takulai.
“Satuju den jo pandapek Tan Baro. Bialah juara umum kini sarupo sayua indak bagaram, tapi awak lah manjadi negara gudang prestasi olahraga. Nah, ka muko paralu evaluasi. Jan hanyo awak gadang atau hebat di kampuang surang se. Biasuak katiko tampeknyo pindah ka negara lain, awak taluncua jauah ka bawah. Soal sayua indak bagaram tu ado juo paidahnyo mah. Saindaknyo untuak urang nan kanai tekanan darah tinggi. Di nagari awak ko kan banyak nan kanai panyakik tekanan darah tinggi. Sasudah makan sayua indak bagaram ko, mudah-mudahan maurus olahraga indak jo darah tinggi lai,” hanyo itu sambuang kato dari Angah. (eSPe St.Soeleman)
Postingan
Tidak ada komentar:
Posting Komentar