Barita koran ‘Singgalang’ nan bajudul ‘Lagi, Malaysia Caplok Wilayah RI’ mambuek Kari Garejoh emosi. Karano kajadian bantuak itu lah baulang-ulang.
Tahun-tahun nan lapeh duo pulau di wilayah Indonesia diambiak dek Malaysia. Sudah tu ado pulo budaya nagari ko dikatoan pulo punyo inyo, tamasuak randang.
“Iyo sabana mancari ilik-ilik. Bantuak lurah indak babatu, sarupo ijuak indak basaga bana awak deknyo mah. Mantang-mantang awak lunak, disangkonyo takuik,” baitu kato Kari.
Mato Kari tampak sirah. Pandangannyo tajam ka lua lapau. Nan bantuak itu tantu sajo mambuek konco-konconyo heran sakaligus nio tau apo masalah nan tajadi di diri Kari.
“Apo tu Ri? Pagi-pagi lah makan bawang. Goreang tu kudok dulu!” Udin Kuriak maminteh.
“Bacolah dek Udin. Lah baulang pulo baliak. Sabana lanteh angannyo ka awak. Mantang-mantang awak nampak lunak deknyo disudu taruih,” hanyo itu jawek Kari sambia mampacaliak-an barita koran nan tadi dibaconyo.
Pahamlah Udin sarato kawan-kawan lain, baraso Kari emosi dek ulah mambaco barita Malaysia maambiak wilayah Indonesia. Di dalam barita tu indak saketek tanah Indonesia nan diambiaknyo doh, yaitu sakitar saribu ampek ratuih hektar.
“Awak buliah berang Ri, tapi jan sampai darah tinggi pulo,” kato Udin.
“Wak den kalau untuak mampatahankan kautuhan negara ko Din, ijankan darah tinggi, mati juo amuah,” baleh Kari.
“Sabananyo awak indak buliah lansuang manyalahan negara jiran tu doh Ri. Barangkali ado kalalaian dari pamarentah awak. Suatu barang kalau indak ado nan punyo pasti diambiak dek urang lain. Umpamonyo di tapi jalan tu tumbuah jambu, pasti banyak se nan nio maambiak buahnyo. Mukasuik ambo, kalau memang itu wilayah Indonesia, tantu dijago dan dipaliaro. Kalau dipabiakan se, itu mah jadinyo,” Tan Baro sato mangecek.
“Satuju den jo Tan Baro. Kalau memang itu punyo awak harusnyo ditagahan katiko ado urang masuak. Kini, lah ditabeh urang, awak baturo-turo. Wakatu urang mulai masuak dan marambah, awak anok se,” Mak Pono indak pulo katinggalan mangaluakan pandapeknyo.
“Iyo, tapi kan ado pajanjian sajak Ulando dulu,” Kari mulai agak lunak.
“Nan bajanji dulu tu lah mati Ri. Kini tingga anak cucu se lai dan anak cucu tu indak lo tau pajanjian tu doh,” potong Angah Piyan sambia galak manih.
“Jadi baa mustinyo?” Tanyo Kari.
“Harus dilakukan parundiangan dan cari solusi nan paliang elok. Awak badunsanak ko janlah bacakak,” jawek Tan Baro.
“Barundiang ka barundiang, nan galeh urang lalu juo. Nampak bana ijuak indak basaga mah,” kato Kari maulang istilahnyo.
Baitulah ota di lapau Uwo Pulin pagi kapatang. Dek matoari lah baransua tinggi juo, urang-urang tu pun bubar.
(eSP St.Soeleman)
Tahun-tahun nan lapeh duo pulau di wilayah Indonesia diambiak dek Malaysia. Sudah tu ado pulo budaya nagari ko dikatoan pulo punyo inyo, tamasuak randang.
“Iyo sabana mancari ilik-ilik. Bantuak lurah indak babatu, sarupo ijuak indak basaga bana awak deknyo mah. Mantang-mantang awak lunak, disangkonyo takuik,” baitu kato Kari.
Mato Kari tampak sirah. Pandangannyo tajam ka lua lapau. Nan bantuak itu tantu sajo mambuek konco-konconyo heran sakaligus nio tau apo masalah nan tajadi di diri Kari.
“Apo tu Ri? Pagi-pagi lah makan bawang. Goreang tu kudok dulu!” Udin Kuriak maminteh.
“Bacolah dek Udin. Lah baulang pulo baliak. Sabana lanteh angannyo ka awak. Mantang-mantang awak nampak lunak deknyo disudu taruih,” hanyo itu jawek Kari sambia mampacaliak-an barita koran nan tadi dibaconyo.
Pahamlah Udin sarato kawan-kawan lain, baraso Kari emosi dek ulah mambaco barita Malaysia maambiak wilayah Indonesia. Di dalam barita tu indak saketek tanah Indonesia nan diambiaknyo doh, yaitu sakitar saribu ampek ratuih hektar.
“Awak buliah berang Ri, tapi jan sampai darah tinggi pulo,” kato Udin.
“Wak den kalau untuak mampatahankan kautuhan negara ko Din, ijankan darah tinggi, mati juo amuah,” baleh Kari.
“Sabananyo awak indak buliah lansuang manyalahan negara jiran tu doh Ri. Barangkali ado kalalaian dari pamarentah awak. Suatu barang kalau indak ado nan punyo pasti diambiak dek urang lain. Umpamonyo di tapi jalan tu tumbuah jambu, pasti banyak se nan nio maambiak buahnyo. Mukasuik ambo, kalau memang itu wilayah Indonesia, tantu dijago dan dipaliaro. Kalau dipabiakan se, itu mah jadinyo,” Tan Baro sato mangecek.
“Satuju den jo Tan Baro. Kalau memang itu punyo awak harusnyo ditagahan katiko ado urang masuak. Kini, lah ditabeh urang, awak baturo-turo. Wakatu urang mulai masuak dan marambah, awak anok se,” Mak Pono indak pulo katinggalan mangaluakan pandapeknyo.
“Iyo, tapi kan ado pajanjian sajak Ulando dulu,” Kari mulai agak lunak.
“Nan bajanji dulu tu lah mati Ri. Kini tingga anak cucu se lai dan anak cucu tu indak lo tau pajanjian tu doh,” potong Angah Piyan sambia galak manih.
“Jadi baa mustinyo?” Tanyo Kari.
“Harus dilakukan parundiangan dan cari solusi nan paliang elok. Awak badunsanak ko janlah bacakak,” jawek Tan Baro.
“Barundiang ka barundiang, nan galeh urang lalu juo. Nampak bana ijuak indak basaga mah,” kato Kari maulang istilahnyo.
Baitulah ota di lapau Uwo Pulin pagi kapatang. Dek matoari lah baransua tinggi juo, urang-urang tu pun bubar.
(eSP St.Soeleman)
Postingan
Tidak ada komentar:
Posting Komentar